Hætt hefur verið við alla leiðangra á Everest í ár vegna hættu á frekari jarðskjálftum. Er þetta annað árið í röð sem hætta hefur þurft við leiðangra á tindinn vegna náttúruhamfara.

Í fyrra fórust 16 nepalskir leiðsögumenn í snjóflóði á fjallinu og í ár fórust 18 í snjóflóðum sem féllu eftir að jarðskjálfti upp á 7,8 stig reið yfir Nepal.

Tveir Íslendingar voru í grunnbúðum Everest þegar jarðskjálftinn reið yfir, þau Ingólfur Axelsson og Vilborg Arna Gissurardóttir. Þau eru bæði á heimleið frá Nepal en þetta er annað árið í röð sem þau hafa þurft að hætta við Everestleiðangra sína. 

Dawa Steven Sherpa, sem starfar hjá Asian Trekkers í Katmandú, segir í viðtali við Guardian að vegna eftirskjálftanna sé ekki hægt að halda leiðöngrum á hæsta fjall heims áfram. Enda sé vart hægt að bjóða upp á ferðir þangað núna þar sem bæði reipi og stigar eru horfin.

Vilborg Arna flýgur í dag frá Katmandú til London en Ingólfur er í Katmandú og fer þaðan eftir tvo daga og heldur heim á leið.

AFP

Tengdar fréttir

Vilborg Arna og leiðangrar hennar

„Maður gerist ekki minni“

• Vilborg ætlar að sofa í viku
• Vilborgu Örnu fagnað í Leifsstöð
• Ólýsanlegt að standa á toppnum
• Vilborg komin í grunnbúðirnar

» Fleiri tengdar fréttir

Mannskæður jarðskjálfti í Nepal

Úr skugganum fram í sviðsljósið

• Glíma enn við eftirköstin
• Fyrst kom skjálftinn, svo skuldirnar
• Freista þess að ná á toppinn
• Enginn á topp Everest í ár

» Fleiri tengdar fréttir

• Blogga um frétt