Að minnsta kosti fjörtíu sýrlenskir uppreisnarmenn létu lífið í loftárásum stjórnarhersins í Aleppo í dag. Samkvæmt frétt AFP-fréttasveitunnar var loftárásin gerð á miðstöð uppreisnarmannanna og varð í kjölfarið gífurleg sprenging.
Samkvæmt upplýsingum frá mannréttindasamtökunum Syrian Observatory for Human Rights voru uppreisnarmennirnir með sprengjukúlur í geymslu í miðstöðinni sem sprungu í loftárásunum.
„Sprengjukúlurnar sprungu í loftárásinni, og vitni hafa lýst sprengingu eins og jarðskjálfta,“ sagði yfirmaður samtakanna, Rami Adel Rahman í samtali við AFP. Samkvæmt upplýsingum frá samtökunum létust að minnsta kosti 40 uppreisnarmenn, þar af þrír leiðtogar.
Miðstöð uppreisnarmannanna var í hverfinu Al-Shaar sem er yfirráðasvæði uppreisnarmannanna, í austur hluta Aleppo. Hverfið er algengt skotmark loftárása stjórnarhersins.