Fimm bresk ungmenni liggja nú inni á sjúkrahúsi eftir að hafa tekið of stóran skammt af eiturlyfinu Spice. Tvö ungmennanna eru í lífshættu.
Ungmennin eru öll nemendur í Lancaster háskólanum, en skólinn gaf út yfirlýsingu um málið á Twitter-síðu sinni í gær. Var þar jafnframt brýnt fyrir nemendum að hafa samband við neyðarlínuna ef þeir tækju inn lyfið.
Urgent message: Several students have been hospitalised today after taking legal high Spice – please check on friends and call 999 if needed
— Lancaster University (@LancasterUni) May 20, 2015
Eiturlyfið Spice svipar mjög til marijúana en er mun eitraðra. Það hefur verið ólöglegt í Bretlandi síðan árið 2009. Eiturlyfið hefur verið vinsælt í Svíþjóð en eins og mbl.is hefur sagt frá hafa nokkur hundruð ungmenni þar í landi lent á sjúkrahúsi og nokkrir látist vegna efnisins.
Frétt mbl.is: Löglegt en banvænt