Tony Blair, fyrrverandi forsætisráðherra Bretlands, hefur látið af störfum sem sérlegur erindreki Bandaríkjanna, Rússlands, Evrópusambandsins og Sameinuðu þjóðanna í Miðausturlöndum.

Þetta staðfesti talskona hans við fjölmiðla í dag. Blair hefur afhent Ban Ki-moon, aðalritara Sameinuðu þjóðanna, uppsagnarbréf sitt, en hann hafði gegnt starfinu í átta ár.

Heimildir AFP herma að Blair muni stíga til hliðar í næsta mánuði.

Hann mun þó áfram starfa með stjórnvöldum í Bandaríkjunum og Evrópusambandinu í málum sem tengjast Miðausturlöndum. Blair hefur lagt áherslu á svokallaða tveggja ríkja lausn í deilu Ísraels og Palestínu.

Fjömiðlar greindu frá því í mars síðastliðnum að Blair væri valtur í sessi þar sem hann hefði ekki nægilega góð tengsl við stjórnvöld í Palestínu að mati Bandaríkjastjórnar. Jen Psaki, talsmaður bandaríska utanríkisráðuneytisins, sagði þó að þær getgátur væru ekki á rökum reistar.

Blair var skipaður erindreki árið 2007.

Tengdar fréttir

Ísrael/Palestína

Ellefu Palestínumenn koma í dag

• „Stríð Ísraels og Írans yrði strategískt stríð“
• Skutu 300 drónum og flugskeytum
• Neyðarfundur boðaður í öryggisráði SÞ
• Biden og Netanjahú ræða saman

» Fleiri tengdar fréttir

• Blogga um frétt