Njósnarar á vegum bresku leyniþjónstunnar hafa verið færðir til í starfi eftir að Rússar og Kínverjar fengu aðgang að trúnaðarupplýsingum um hvernig þeir starfa. Þetta hefur breska ríkisútvarpið eftir breskum embættismanna.
Breska blaðið Sunday Times greindi frá því í dag að rússnesk og kínversk stjórnvöld hefðu leyst dulkóðun á gögnum sem uppljóstrarinn Edward Snowden lak fyrir tveimur árum.
Heimildarmaðurinn sagði að ríkin hefðu komist yfir upplýsingar sem hefðu leitt til þess að færa þurfti njósnarana til í starfi. Hann bætti þó við að „engar vísbendingar“ væru um að einhver hefði orðið fyrir skaða vegna málsins.
Snowden lak gögnunum fyrir tveimur árum. Hann dvelur nú í útlegð í Moskvu, en hann yfirgaf Bandaríkin árið 2013 eftir að hafa lekið gögnum frá bandarísku leyniþjónustunni, CIA.
Talið er að hann hafi hlaðið niður 1,7 milljónum gagna áður en hann yfirgaf Bandaríkin.