„Fötluð“ kona myrti móður sína

Mæðgurnar Gypsy Blancharde og Dee Dee Blancharde.
Mæðgurnar Gypsy Blancharde og Dee Dee Blancharde.

Ung kona frá Missouri í Bandaríkjunum hefur verið ákærð fyrir að myrða sína eigin móður, en konan hafði árum saman þóst vera haldin fötlun sem gerði það að verkum að hún væri bundin í hjólastól. 

Gypsy Blancharde var handtekin á mánudag ásamt kærasta sínum, Nicholas Paul Godejohn, í Wisconsin tæpum þúsund kílómetrum frá heimili sínu þar sem móðir hennar Clauddinnea "Dee Dee" Blancharde fannst látin. Gypsy og kærasti hennar hafa bæði verið ákærð fyrir morð af fyrstu gráðu eftir að móðirin fannst látin í rúmi sínu, þar sem hún hafði verið stungin til bana.

Upp komst um morðið þegar óhugnanlegar færslur fóru að birtast á sameiginlegri Facebook-síðu mæðgnanna og vinir þeirra höfðu samband við lögreglu. Gypsy er sögð hafa birt færslurnar frá heimili kærasta síns í Wisconsin, en þar stóð meðal annars: „Tíkin er dauð!“

Nágrannar Gypsy höfðu staðið í trú um að hún væri haldin fötlun sem gerði það að verkum að hún væri bundin í hjólastól, en lögregla hefur nú staðfest að hún geti vel gengið og sé ekki fötluð. „Fötlunin“ hafi verið partur af svikamyllu mæðgnanna, en þær héldu úti styrktarsíðu þar sem fólk gat lagt inn á þær pening.

Málið þykir allt hið furðulegasta, en lítið er vitað um fjölskyldu mæðgnanna. Þær eru þó sagðar hafa féflett fólk árum saman í gegnum styrktarsíðuna.

Godejohn sagði lögreglu að hann hafi stungið Dee Dee að beiðni Gypsy, og notað hníf sem hún gaf honum. Þá hafi hann stolið peningum og sett hnífinn í póst áður en parið flúði til Wisconsin. Lögreglumenn sem komu á vettvang fundu hnífinn í pósthólfinu.

mbl.is

Skoðanakannanir

[ Nánar | Allar kannanir í CSV-skrá ]

Frá Sýrlandi til Evrópu - Greinaflokkur

Bátakerru stolið
Þessari kerru var stolið um Hvítasunnuhelgina í bryggjuhverfinu í Reykjavík. Þei...
fjórir stálstál-stólar nýtt áklæði.þessir gömlu góðu sími 869-2798
er með fjóra nýklædda stálstóla þessa gömlu góðu á 40,000 kr sími 869-2798...
Álfelgur og dekk 195/65R15 - Toyota Avensis
Settið á 40 þúsund krónur. Upplýsingar i sima 840 2010...
Lok á heita potta og hitaveitu- skeljar
Lok á heita potta og hitaveitu- skeljar Stærðir í cm: 200x200, 210x210, 220x220,...
 
L helgafell 6017101819 iv/v
Félagsstarf
? HELGAFELL 6017101819 IV/V Mynd af ...
L edda 6017102419 i
Félagsstarf
? EDDA 6017102419 I Mynd af auglýsing...
Félagsstarf
Staður og stund
Aflagrandi 40 Opin vinnustofa kl. 9 og s...
Framhald uppboðs
Nauðungarsala
Uppboð Einnig birt á www.naudungarsolu...