Samþykktu þjóðaratkvæðagreiðslu

Gríska þingið samþykkti seint í gærkvöldi að boða til þjóðaratkvæðagreiðslu eftir viku, sunnudaginn 5. júlí, um þær aðhaldstillögur sem lánardrottnar landsins setja sem skilyrði fyrir frekari lánveitingum.

179 þingmenn af 300 samþykktu tillöguna, sem Alexis Tsipras, forsætisráðherra Grikklands, lagði fram.

Tsipras hélt tilfinningaþrungna ræðu áður en atkvæðagreiðslan fór fram þar sem hann sagðist vonast eftir afdráttarlausu og neikvæðu svari frá þjóðinni við tillögum lánardrottnanna. Hann vildi hins vegar jákvætt svar við „evrópskri samstöðu“.

Hann sagðist jafnfram sannfærður um að samningsstaða Grikkja yrði sterkari ef þjóðin segði nei við „afarkostum“ lánardrottnanna.

Þingmenn Syriza, flokks Tsipras, samþykktu tillöguna sem og þingmenn samstarfsflokksins, Sjálfstæðra Grikkja, og Gullinnar dögunar, nýnasistaflokksins. Þingmenn Nýs lýðræðis, PASOK, kommúnistaflokksins og miðjuflokksins To Potami greiddu hins vegar atkvæði gegn tillögunni.

Ákvörðun Tsipras um að boða til þjóðaratkvæðagreiðslu um tillögurnar kom fulltrúum lánardrottnanna og fjármálaráðherrum evruríkjanna í opna skjöldu. Sögðu þeir að með því útspili hefðu samningaviðræður Grikkja og lánardrottnanna farið út um þúfur.

Í gær höfnuðu síðan fjármálaráðherrarnir ósk grískra stjórnvalda um að fá framlengingu á neyðarlánasamningum sínum til eins mánaðar. Núverandi björgunaráætlun Grikkja rennur út á þriðjudaginn, en þá þurfa Grikkir að standa skil á 1,5 milljarða evra afborgun af láni Alþjóðagjaldeyrissjóðsins.

Alexis Tsipras, forsætisráðherra Grikklands.
Alexis Tsipras, forsætisráðherra Grikklands. AFP
mbl.is

Bloggað um fréttina

Frá Sýrlandi til Evrópu - Greinaflokkur

PÚSTKERFI Á HAGSTÆÐU VERÐI
Eigum fyrirlyggjandi PÚSTKERFI í flestar tegundir bifreiða. Einnig STÝRISLIÐI ...
VIÐHALD FASTEIGNA
Við þjónustum þig með lítil sem stór verk. Tímavinna eða tilboð. sími: 544-44...
Gisting við Gullna hringinn..
Studio herb. með sérbaði og eldunaraðstöðu, heitur pottur utandyra, 6 mínútur fr...
INTENSIVE ICELANDIC,ENGLISH & NORWEGIAN f. foreigners - ÍSLENSKA f. útlendinga - ENSKA f. fullorðna - NORSKA
ÍSLENSKA, ENSKA, NORSKA: START/BYRJA: 2018: 8/1, 5/2, 5/3, 2/4, 30/4, 28/5, 25/6...
 
Aflagrandi 40 við byrjum daginn á opnu
Félagsstarf
Aflagrandi 40 Við byrjum daginn á opnu v...
Leiðsögumaður
Ferðaþjónusta
Leiðsögumaður óskast Glacier Adventure...
L helgafell 6017120619 iv/v
Félagsstarf
? HELGAFELL 6017120619 IV/V Mynd af ...
Matsveinn
Sjávarútvegur
Matsveinn Vísir hf óskar eftir...