Morðinginn var ekki einn á ferð
Setja bókamerki
Yfirvöld í Túnis eru sannfærð um að morðinginn Seifeddine Rezgui hafi átt sér vitorðsmenn. Leitað er að þeim sem gætu hafa tekið þátt í árásinni á Imperial Marhaba-lúxushótelinu í Sousse í Túnis á föstudag. 38 manns féllu í árásinni, aðallega breskir ferðamenn.
Lögregla telur að hinum 24 ára Rezgui hafi meðal annars verið útvegaður Kalashnikov-riffill til að skjóta fólkið. Faðir mannsins og þrír herbergisfélagar hans voru handteknir vegna rannsóknar málsins en síðar látnir lausir. Ljóst er að maðurinn hringdi í föður sinn stuttu áður en hann lét til skarar skríða.
Lögregla telur að vitorðsmenn Rezguis hafi aðstoðað hann en ekki tekið beinan þátt í árásinni. Þeir hafi hugsanlega útvegað honum vopn og aðstoðað hann við að komast á staðinn. Breskur ferðamaður segir að hópur fólks á ströndinni hafi sýnt „skrýtna“ hegðun stuttu áður en árásin hófst.
Morðinginn var þeirra á meðal ásamt eiginkonu sinni. Hún hafi tekið mynd af manninum með börnum á ströndinni og þótti ferðamanninum það einkennilegt, enda halda íbúar bæjarins sig yfirleitt fjarri svæðinu og láta ferðamenn í friði.
Frétt mbl.is: Vara við frekari árásum
Innviðir þandir og álagið „gríðarlegt“
Aðeins ein leið fær í Grindavíkurmálum
Kvikan virðist nú skiptast til helminga
Ofsóttur innan veggja Boeing
Ekki byggt í takt við áform sveitarfélaga
Hægagangur og vaxandi ókyrrð