Sólarorkuknúna flugvélin Solar Impulse 2 er nú komin hálfa leið yfir Kyrrahafið eftir að hafa verið á lofti í 61 klukkustund, en vélin hefur aldrei fyrr verið lengur á lofti.
Vélin er nú á leið frá japönsku borginni Nagoya til Havaí, en það er stærsti leggurinn í för vélarinnar í kringum jörðina. Áætlað er að flugið taki fimm sólarhringa í heildina, en flugstjórinn Andre Borschberg sem flýgur vélinni yfir Kyrrahafið er einn um borð og flýgur vélinni allan tímann.
Klukkan 7 í morgun á íslenskum tíma hafði vélin flogið 4.305 kílómetra og átti því 3.430 kílómetra eftir til Havaí. Á twittersíðu Borschberg hafði komið fram að vélinni yrði ekki snúið við úr þessu, en hann virðist alsæll í háloftunum. „Nú þegar hálfnaður með flug lífs míns! Elska það!“
Already halfway through what is probably the flight of my life! Loving it! #Pacific pic.twitter.com/W61Re43mFT
— André Borschberg (@andreborschberg) July 1, 2015
High altitude is ideal for contemplation, observation, meditation and thinking pic.twitter.com/nesi4kmKH7
— André Borschberg (@andreborschberg) July 1, 2015