Fjármálaráðherra Bretlands, George Osborne, segir að fjármunir breskra skattborgara verði ekki notaðir til þess að bjarga Grikkjum. Þetta herma heimildir BBC.

Á Osborne að hafa sagt við aðra ráðherra í ríkisstjórninni að það kæmi ekki til greina að nota fé frá ríkjum Evrópusambandsins í brúarlán í björgunarpakkanum. Því með því væri verið að brjóta gegn samkomulagi um að neyðarsjóður ESB verði ekki nýttur til þess að gangast í ábyrgð fyrir slíkum lánum. 

Í dag munu fjármálaráðherrar ESB ríkjanna 28 hittast á fundi í Brussel og ræða málefni Grikklands.

Það var árið 2010 sem David Cameron, forsætisráðherra Bretlands, greindi frá því að hann náð fram samkomulagi um að Evr­ópski viðbragðasjóðurinn fyr­ir fjár­mála­stöðug­leika (e. Europe­an Fin­ancial Stabilisati­on Mechan­ism, EFSM) yrði ekki nýttur í fleiri björgunaraðgerðir evruríkja eftir að hann var notaður við að aðstoða Írland og Portúgal. Þess í stað myndi ábyrgðin vera í höndum evruríkjanna.

Upplýsingar um EFSM

Í frétt Financial Times kemur fram að Martin Selmayr, starfsmannastjóri Jean-Claude Juncker, forseta framkvæmdastjórnar ESB, hafi hug á að fá að nota EFSm til þess fjármagna brúarlán. Samkvæmt FT eiga Frakkar að vera hrifnir af þeirri hugmynd.

BBC