Fer Gore fram gegn Clinton?
Setja bókamerki
Einhverjir innan Demókrataflokksins velta því nú fyrir sér hvort Al Gore, fyrrverandi varaforseti Bandaríkjanna, sé reiðubúinn til þess að taka þátt í kapphlaupinu um að hljóta útnefningu flokksins fyrir forsetakosningarnar.
Guardian greinir frá þessu og vísar í frétt BuzzFeed þar að lútandi. Gore fram frambjóðandi demókrata í forsetakosningunum árið 2000. Hann fékk fleiri atkvæði heldur en keppinauturinn, George W. Bush, en færri kjörmenn. Gore sagði á sínum tíma að ósigur sinn í forsetakosningunum árið 2000 fyrir George W. Bush hafi verið gífurleg vonbrigði. Í viðtölum sem Gore veitti vegna útkomu bókar eftir hann árið 2002, gagnrýndi hann niðurstöðu hæstaréttar Bandaríkjanna í atkvæðamálinu svonefnda á Flórída og segir hana hafa fært Bush sigurinn.
„Ég trúi því að ef atkvæði allra þeirra á Flórída, sem reyndu að kjósa, hefðu verið talin með réttum hætti, hefði ég unnið," segir Gore í viðtali við Washington Post Magazine í nóvember 2002.
Gore var varaforseti í valdatíð Bills Clintons 1993-2001. Hins vegar hefur Gore ekkert minnst á það opinberlega að hafa áhuga á að taka þátt í forvalinu.
Al Gore hefur undanfarin ár verið afar áberandi í loftslagsumræðunni en hann fékk meðal annars Friðarverðlaun Nóbels fyrir hlut sinn í þeirri baráttu. Hann flutti meðal annars fyrirlestur um loftslagsmál í Háskólabíói árið 2008 og hann var hér einnig við veiðar í Vatnsdalsá fyrir ári síðan.
Al Gore við veiðar í Vatnsdalsá
Hægagangur og vaxandi ókyrrð
Bjarkey stendur við skammarbréf Svandísar
„Búið að vera í dreifingu í einhvern tíma“
Spursmál: Fyrsta stóra viðtal Katrínar
Almannavarnir auka viðbúnað
Gerir ráð fyrir 150 samningum í næstu viku
Aðkoman í gripahúsið mjög slæm
Færa slökkviliðið til nútímans