Hópur hægriöfgamanna baulaði og hrópaði ókvæðisorð að Angelu Merkel, kanslara Þýskalands, þegar hún heimsótti miðstöð fyrir flóttamenn í austur-þýsku borginni Heidenau í dag. Ofbeldisfull mótmæli hafa átt sér stað í borginni gegn komu flóttamanna.

Um 200 manns bauluðu á Merkel og hrópuðu meðal annars að henni „Svikari, svikari“ og „Við erum lýðurinn“ en Sigmar Gabriel, varakanslari Þýskalands, lýsti öfgahægrimótmælendunum sem „lýð“ þegar hann heimsótti borgina á mánudag. Þá flautuðu margir ökumenn á Merkel þegar þeir óku fram hjá eins og öfgahópar höfðu hvatt fólk til að gera á samfélagsmiðlum fyrir heimsókn hennar.

Merkel ræddi við forsætisráðherra Saxlands og borgarstjóra Heidenau og hitti flóttamennina og félagsliða miðstöðvarinnar sem var opnuð nýverið.

Um síðustu helgi stóðu öfgahægrimenn fyrir óeirðum í borginni og kom til átaka á milli þeirra og lögreglu þegar þeir mótmæltu opnun flóttamannamiðstöðvarinnar.

Borgarbúar fylgjast með heimsókn kanslarans í flóttamannamiðstöðina. AFP

Tengdar fréttir

Á flótta

Ástralska ríkið samdi við vafasöm fyrirtæki

• ESB herðir löggjöf um málefni flóttafólks
• 41 flóttamanns saknað
• Móðir og ungbarn drukknuðu
• Tekur á móti allt að 140 einstaklingum í viðkvæmri stöðu

» Fleiri tengdar fréttir

• Blogga um frétt