Lögregla í þýsku borginni Munchen þurfti í dag að afþakka gjafir almennings til flóttamanna eftir að íbúar borgarinnar fylltu heila lestarstöð af matargjöfum, fötum og leikföngum. The Independent greinir frá þessu.

Lögreglan í Munchen greindi frá því í morgun á Twitter að um 590 flóttamenn væru á aðallestarstöð borgarinnar og að hver sem vill hjálpa væri velkominn. Íbúar borgarinnar tóku lögregluna á orðinu og eftir aðeins nokkrar mínútur fór hjálpin að berast.

Rúmri klukkustund eftir að færslan birtist á Twitter greindi lögreglan frá því að flóttamennirnir hafi fengið heilan helling af mat, drykk og bleyjum. Stuttu eftir hádegi var þó nóg komið og var fólk beðið um að koma ekki með fleiri hjálpargögn.

Þúsundir hælisleitenda og flóttamanna hafa komið í gegnum Munich síðustu daga, aðallega Sýrlendingar og Írakar. Flestir þeirra komu með lestum frá Ungverjalandi.

Tengdar fréttir

Á flótta

Ástralska ríkið samdi við vafasöm fyrirtæki

• ESB herðir löggjöf um málefni flóttafólks
• 41 flóttamanns saknað
• Móðir og ungbarn drukknuðu
• Tekur á móti allt að 140 einstaklingum í viðkvæmri stöðu

» Fleiri tengdar fréttir

• Blogga um frétt