Sænsku lögreglunni hafa borist um 400 ábendingar í tengslum við morðið á Idu Johansson, 21 árs, en hún var myrt þegar hún fór út að hlaupa að kvöldlagi skammt frá Stokkhólmi 5. ágúst.
Að sögn Lars Byström, talsmanns lögreglunnar í Stokkhólmi, er nú verið að fara yfir ábendingarnar sem hafa borist en lögreglan er með lífsýni úr morðingjanum.
Að sögn Byström er einnig verið að bera árásina saman við aðrar árásir á konur, bæði í Stokkhólmi og víðar, segir í frétt Svd.
Lögreglan birti mynd af Johansson fyrr í vikunni og móðir hennar kom fram í sjónvarpsþættinum Nya efterlyst þar sem hún bað alla þá sem veitt gætu einhverjar upplýsingar um málið að hafa samband við lögreglu.
Ida Johansson fór út að hlaupa að kvöldlagi þann 5. ágúst en þegar hún skilaði sér ekki heim aftur fór lögregla að svipast um eftir henni. Hún fannst látin um nóttina í Runby, sem er í úthverfi Stokkhólms.
Lögreglan biðlar til almennings