Réðust á bandamenn Bandaríkjanna

Mynd frá rússneska varnarmálaráðuneytinu sem á að sýna loftárás herþotna ...
Mynd frá rússneska varnarmálaráðuneytinu sem á að sýna loftárás herþotna á skotmark í Sýrlandi. AFP

Rússneskar herþotur vörpuðu sprengjum á æfingabúðir hóps uppreisnarmanna sem Bandaríkjamenn hafa stutt í Idlib-héraði í norðvesturhluta Sýrlands, að sögn talsmanns hópsins. Tyrknesk stjórnvöld hafa lýst yfir áhyggjum af því að loftárásir Rússa hafi beinst að óvinum Ríkis íslams og óbreyttum borgurum.

Talsmaður uppreisnarmannanna í Suqur al-Jabal, sem útleggst sem Fjallafálkarnir á íslensku, segir við AFP-fréttastofuna að fjórar rússneskar herþotur hafi skotið tíu eldflaugum á æfingabúðir þeirra í morgun. Tvær þotur til viðbótar hafi ráðist á búðirnar um hádegið en enginn uppreisnarmaður hafi fallið. Hópurinn hefur fengið stuðning frá bandarískum stjórnvöldum í baráttunni gegn Ríki íslams í Sýrlandi.

Rússar hófu loftárásir í Sýrlandi í gær að beiðni Bashar al-Assad, forseta landsins. Sjálfir segjast þeir vera að taka þátt í baráttunni gegn hryðjuverkasamtökunum Ríki íslams en ásaknir hafa komið fram um að árásirnar hafi fram að þessu beinst að andstæðingum Assad, sem er náinn bandamaður Rússa, sem berjist einnig gegn Ríkis íslams.

„Við höfum verulegar áhyggjur af upplýsingum um að loftárásir Rússlands í Sýrlandi hafi beinst að svæðum andspyrnunnar frekar en Ríki íslams og að óbreyttir borgarar hafi fallið sem afleiðing af því,“ sagði Feridun Sinirlioglu, utanríkisráðherra Tyrklands í dag.

Vladimír Pútín, forseti Rússlands, hefur hafnað fullyrðingum um að óbreyttir borgarar hafi fallið í loftárásum flughersins. Þær séu hluti af „upplýsingastríði“. Rússnesk stjórnvöld hafa haldið því fram að loftárásir þeirra hafi beinst að Ríki íslams.

mbl.is

Bloggað um fréttina

Frá Sýrlandi til Evrópu - Greinaflokkur

HÚSAVIÐHALD
Viðgerðir og viðhald fasteigna er okkar fag. Húsaklæðning ehf. hefur í áratugi ...
Getum útvegað allt frá Bretlandi á mun lægra verði........
Getum útvegað allt frá Bretlandi á mun lægra verði sem viðkemur vinnuvélum, trak...
Hreinsa þakrennur fyrir veturinn
Hreinsa þakrennur fyrir veturinn, ryðbletta þök og tek að mér ýmis smærri verkef...
NOTAÐ&NÝTT
NOTAÐ&NÝTT er ný verslun á Skemmuvegi 6 á bak við Byko. Mikið úrval af fallegum ...
 
Framhald uppboðs
Nauðungarsala
Uppboð Einnig birt á www.naudungarsolu...
Félagsfundur varðar
Fundir - mannfagnaðir
Vörður - fulltrúaráð sjálfstæðisf...
Utankjörfundaratkvæða- greiðsla uta
Tilkynningar
Utankjörfundaratkvæðagreiðs...
L helgafell 6017092019 iv/v
Félagsstarf
? HELGAFELL 6017092019 IV/V Mynd af ...