Að minnsta kosti tíu eru látnir og 20 særðir eftir skotárás sem gerð var í háskóla í Oregon ríki í Bandaríkjunum í dag.
Frá þessu er greint á vef CNN en þar segir að búið sé að yfirbuga skotmanninn, sem nú er í haldi lögreglu. Ekki liggur fyrir hvort hann hafi særst í aðgerðum lögreglu.
„Við fundum nokkra særða í nokkrum skólastofum þegar við komum á vettvang. Lögregla var á svæðinu og tókst henni að yfirbuga skotmanninn,” sagði Ray Shoufler, slökkviliðsstjóri Douglas-sýslu í samtali við CNN. Bætti hann því við að tvö fórnarlömb skotárásarinnar hefðu látist á leiðinni á sjúkrahús.
Authorities check bags as students and staff are moved off campus at Umpqua Community College after shooting report. pic.twitter.com/BvvHh0UYqN
— Michael Sullivan (@MikeSullPhoto) October 1, 2015