Framkvæmdastjóri Atlantshafsbandalagsins (NATO), Jens Stoltenberg, varaði rússnesk stjórnvöld í dag við því að auka á spennuna á milli Rússlands og ríkja bandalagsins.

Vísaði hann til atburða sem átt hafa sér stað á landamærum Tyrklands og Sýrlands síðustu daga þar sem rússnesk orrustuþota rauf lofthelgi Tyrkja og önnur óþekkt MiG-29 orrustuþota ógnaði tyrkneskum F-16 orrustuþotum. Tyrkland er aðili að NATO.

Rússar hófu nýverið loftárásir í Sýrlandi til að styðja við þarlend stjórnvöld í átökum við uppreisnarmenn í landinu. Stoltenberg ræddi við utanríkisráðherra Tyrkland, Feridun Sinirlioglu, í dag að ósk tyrkneskra stjórnvalda vegna atburðanna.

Stoltenberg sagði að fulltrúar aðildarríkja NATO ætluðu að funda síðar í dag til þess að ræða stöðuna. Hann sagðist hafa undirstrikað við utanríkisráðherra Tyrklands að NATO væri skuldbundið til þess að standa vörð um öryggi Tyrklands.

Tengdar fréttir

Sýrland

Helsti ráðgjafi Hisbollah sá sem ráðinn var af dögum

• Fórnarlömb mannskæðrar árásar jörðuð
• Olíuflutningaskipið sagt mjög laskað
• Vill réttarhöld yfir Assad
• Jórdanar sagðir hafa fellt fíkniefnabarón

» Fleiri tengdar fréttir

• Blogga um frétt