Ban Ki-moon sagður á leið til Norður-Kóreu
Setja bókamerki
Ban Ki-moon, framkvæmdastjóri Sameinuðu þjóðanna, mun heimsækja Norður-Kóreu í vikunni ef marka má suður-kóreska fréttamiðillinn Yonhap. Miðillinn vitnaði í heimildarmann innan Sameinuðu þjóðanna en þau hafa neitað að tjá sig um frétt Yonhap. Ef af heimsókninni verður, er þetta fyrsta heimsókn fulltrúa Sameinuðu þjóðanna til Norður-Kóreu í rúma tvo áratugi.
Í maí aflýstu stjórnvöld í Norður-Kóreu opinberri heimsókn Ban aðeins degi áður en hann átti að koma til landsins.
Sameinuðu þjóðirnar, Evrópusambandið og Bandaríkin hafa hótað Norður-Kóreu refsiaðgerðum fyrir kjarnorkutilraunir sínar undanfarin misseri. Samkvæmt frétt Yonhap er talið líklegt að Ban muni hitta leiðtoga Norður-Kóreu, Kim Jong-un á meðan heimsókninni stendur. Engar nákvæmar dagsetningar á heimsókninni hafa þó verið tilkynntar.
Ban er frá Suður-Kóreu og var þar m.a. utanríkisráðherra. Aðeins hafa tveir aðrir framkvæmdastjórar Sameinuðu þjóðanna komið til Norður-Kóreu. Sameinuðu þjóðirnar studdu Suður-Kóreu í Kóreustríðinu sem stóð frá 1950 til 1953. Leiddi það til aðskilnaðar Norður- og Suður-Kóreu.
Handteknir eftir myndatöku í Vesturbæjarlaug
Shakespeare fannst í skókassa
„Það þarf að vinna mikinn fjölda upp“
Árshátíð ríkislögreglustjóra haldin í Tékklandi
Skemmtiferðaskip hætt komið nærri Viðey
Veiting hvalveiðileyfis ekki brot á EES-samningi
Vélsleðaslys: Þyrlan kölluð út á mesta forgangi