Herra ljótur of myndarlegur

Hinn nýkrýndi ljótasti maður Simbave, Mison Sere.
Hinn nýkrýndi ljótasti maður Simbave, Mison Sere. AFP

Uppþot brutust út þegar niðurstaða lá fyrir í kjörinu á ljótasta manni Simbabve á föstudag. Keppandinn sem naut mestrar lýðhylli og stuðningsmenn hans sökuðu sigurvegarann um svindl og sögðu hann „of myndarlegan“. Sigurvegarinn, Mison Sere sagði andstæðinga sína hins vegar tapsára.

Þetta var í fjórða skipti sem „herra ljótur“ var krýndur í borginni Harare í Simbabve. William Masvinu vann keppnina fyrstu þrjú árin og var hann því ekki sáttur þegar Sere stal af honum krúnunni á föstudaginn. Dómararnir vísuðu til þess að í hann vantaði fjölda tanna og forljóta andlitssvipi í rökstuðningi sínum.

Masvinu og stuðningsmenn hans þustu að dómurunum eftir að kjörinu hafði verið lýst. Hélt Masvinu því meðal annars fram að Sere væri ekki „náttúrulega“ ljótur.

„Ég er náttúrulega ljótur. Hann er það ekki. Hann er bara ljótur þegar hann opnar á sér munninn,“ sagði Masvinu.

„Þurfum við að missa tennurnar til þess að vinna? Þetta er svindl,“ hrópaði annar þátttakandi, Patrick Mupereki.

Sere lét sér þó fátt um finnast og sagði andstæðingana tapsára.

„Þeir ættu bara að sætta sig við að ég er ljótari en þeir. Ég vona að ég geti fengið sjónvarpssamning. Ég hef þegar farið á milli skóla með sýningar á hversu ljótur ég er þannig að þetta er tækifæri mitt til þess að komast í sjónvarpið,“ sagði Sere sem fékk 500 dollara í verðlaunafé.

Andstæðingar hans virðast þó hafa eitthvað til síns máls vegna þess að fyrir keppnina höfðu skipuleggjendur hennar lýst því yfir að fötlun eða aðgerðir yrðu ekki teknar gildar. Keppnin legði áherslu á náttúrulegan ljótleika.

„Sere lagði mikið á sig til að auka ljótleika sinn með því að gretta sig. Masvinu taldi sig vera svo ljótan að hann þyrfti ekkert að leggja á sig. Það kostaði hann krúnuna,“ segir dómarinn Abigail Mataranyika.

Skipuleggjandinn David Machowa hafði áður sagt að hann hefði stofnað keppnina til þess að draga úr skömm þeirra sem eru ljótir. 

„Útlið er guðsgjöf. Við ættum öll að vera stolt af því hver við erum,“ sagði hann.

Keppendur í keppninni um ljótasta manninn reyna að heilla dómarana.
Keppendur í keppninni um ljótasta manninn reyna að heilla dómarana. AFP
mbl.is

Bloggað um fréttina

Frá Sýrlandi til Evrópu - Greinaflokkur

Listakonan í fjörunni
Til sölu stytta eftir Elísabetu Geirmundsdóttur frá Akureyri, sem gekk ævinlega ...
Trúlofunar- og giftingarhringar í úrvali
Auk gullhringa eigum við m.a. hvítagull, silfur og titaniumpör á fínu verði. Dem...
Ræstingavagn
Til sölu Ræstingavagn. kr: 9700,- Keyptur hjá Rekstrarvörum. uppl: 8691204....
 
Aðalfundur
Fundir - mannfagnaðir
Aðalfundur Aðalfundur Vör...
Framhald uppboðs
Nauðungarsala
Uppboð Einnig birt á www.naudungarsolu...
Félagsstarf
Staður og stund
Aflagrandi 40 Opin vinnustofa kl. 9 og b...
Hádegisfundur ses
Fundir - mannfagnaðir
ses.xd.is Samtök eldri sjálfstæði...