Rússneskar herflugvélar gerðu í dag miklar loftárásir í héraðinu Latakia í norðurhluta Sýrlands. Er það skammt frá þeim stað sem rússnesk orrustuþota brotlenti á eftir að hafa verið skotin niður af tyrkneska flughernum.

Fréttaveita AFP greinir einnig frá því að orrustuþotur, að líkindum frá Rússlandi, hafi gert loftárásir á skotmörk nærri landamærum Tyrklands í norðurhluta héraðsins Aleppo. Minnst þrír eru sagðir látnir eftir árásina en hún beindist einkum að vöruflutningabílum sem gjöreyðilögðust.

AFP hefur eftir talsmanni mannréttindasamtaka á svæðinu að rússneskar orrustuþotur hafi frá því í morgun gert alls 12 loftárásir á skotmörk innan héraðsins Latakia. Ekki er vitað um mannfall.

Þá voru einnig gerðar loftárásir á þeim stað sem rússnesk herþyrla nauðlenti á eftir að hafa skaddast illa í skotárás vígamanna. Var þyrlan ein tveggja sem send var til að bjarga flugmönnunum sem skotnir voru niður í gær. Einn rússneskur hermaður, sem var um borð í þyrlunni, týndi lífi.

Tengdar fréttir

Tyrkir skjóta niður rússneska herþotu

Erdogan á leið til Rússlands

• Rússnesk farþegaflugvél til Tyrklands
• Aflétta refsiaðgerðum gegn Tyrkjum
• Biðst afsökunar á árás á herþotu
• Tyrkir vara Rússa við

» Fleiri tengdar fréttir

• 1 blogg um fréttina

Bloggað um fréttina

• Axel Jóhann Axelsson: Bandóðir bandamenn Íslendinga