Hleyptu fjölmiðlum inn á heimili hjónanna

Blaðakona tekur mynd í eldhúsi íbúðarinnar.
Blaðakona tekur mynd í eldhúsi íbúðarinnar. AFP

Skotárás sem átti sér stað í Kaliforníu á miðvikudaginn verður nú rannsökuð sem hryðjuverk. Talsmaður bandarísku alríkislögreglunnar, FBI, greindi frá þessu á blaðamannafundi rétt í þessu.

14 létu lífið þegar að Tashfeen Malik og eiginmaður hennar Syed Rizwan Farook hófu skothríð á hóp fólks í jólaboði í San Bernardino á miðvikudaginn.

Að sögn talsmanns FBI, David Bowdich, er ljóst að árásin var skipulögð í þaula en hjónin létu lífið í skotbardaga við lögreglu. Fyrr í dag kom fram að Malik hafi heitið tryggð við Ríki íslams á Facebook en sú færsla hefur nú verið fjarlægð.

Í dag var stórum hópi fjölmiðlamanna hleypt inn á heimilið sem hjónin deildu með móður Farook. Fréttastofan MSNBC var fyrst inn í húsið og sagði að lögregla hefði leyft þeim að fara inn. CNN fetaði fljótt í fótspor þeirra en þeim var hleypt inn af leigusala hjónanna. Að sögn sjónarvotta myndaðist hálfgerður sirkus á heimilinu þar sem fólk reyndi að ná myndum af eins miklu og hægt var.

Í húsinu mátti sjá hvernig hjónin bjuggu. Samkvæmt frétt CNN mátti finna nokkuð eðlilega hluti inn á heimilinu eins og klukku, sófa og rimlarúm, en einnig óeðlilega hluti eins og brotið gler og glugga sem búið var að negla fyrir.

Bækur á arabísku í íbúð hjónanna.
Bækur á arabísku í íbúð hjónanna. AFP
Þarna er búið að negla fyrir glugga.
Þarna er búið að negla fyrir glugga. AFP
Hjónin áttu sex mánaða gamla stúlku.
Hjónin áttu sex mánaða gamla stúlku. AFP
Talsmaður FBI á blaðamannafundi í dag.
Talsmaður FBI á blaðamannafundi í dag. AFP
mbl.is

Bloggað um fréttina

Frá Sýrlandi til Evrópu - Greinaflokkur

Toyota yaris 2006
Erum að selja þennan bíl a 650,000. Ef þið viljið tala um bílin betur hringjið í...
Ertu komin í saumaskap ?
Nýjar og notaðar saumavélar í úrvali. Nýjar vélar með 3 ára ábyrgð. Notaðar véla...
www.skutla.com sendibílar 867-1234
Rafknúin tröpputrilla fyrir ísskàpinn, þvottavélina, þurrkarann o.fl. Skutl, vör...
 
Framhald uppboðs
Nauðungarsala
Uppboð Einnig birt á www.naudungarsolu...
Samkoma
Félagsstarf
Samkoma kl. 20 í Kristniboðs- salnum. R...
Félagsstarf
Staður og stund
Aflagrandi 40 Opin vinnustofa kl. 9 og b...
Eldri borgarar
Staður og stund
Aflagrandi 40 Opin vinnustofa kl. 9 og j...