Þrátt fyrir umfangsmikla leit hefur skrokkur malasísku farþegavélarinnar MH370 ekki fundist Þau sem að leitinni koma fara þó ekki alveg tómhent heim heldur fann leitarhópurinn skipsflak á miklu dýpi. Þetta er annað skiptið sem skipsflak finnst við leitina að vélinni.
Skrokkur skipsins er úr járni eða stáli. Það er talið hafa sokkið á nítjándu öld og er á tæplega fjögurra kílómetra dýpi. Leitarhópur á einu af þremur skipunum sem notað er við leitina að MH370 sendi myndavél niður til að kanna fundinn nánar og tóku myndir með hljóðsjá.