Ráðast í fordæmalausa rannsókn

Fólk safnaðist saman í Varsjá um helgina til að mótmæla ...
Fólk safnaðist saman í Varsjá um helgina til að mótmæla nýjum fjölmiðlalögum. AFP

Framkvæmdastjórn Evrópusambandsins hefur hafið rannsókn vegna nýlegrar lagasetningar í Póllandi, þar sem kveðið er á um breytingar á stjórnarskrárdómstól landsins. Um er að ræða fordæmalausa aðgerð af hálfu framkvæmdastjórnarinnar, sem hefur aldrei áður fyrirskipað rannsókn á löggjöf aðildarríkja.

Frétt mbl.is: Samþykkja umdeildar breytingar

Frans Timmermans, varaforseti framkvæmdastjórnarinnar, sagði að yfirvöldum í Brussel bæri skylda til að tryggja að Evrópulöggjöfin væri höfð í heiðri í öllum aðildarríkjum sambandsins og að menn væru uggandi vegna breytinganna í Póllandi.

„Bindandi úrskurðir stjórnarskrárdómstólsins eru ekki virtir eins og sakir standa, sem ég tel vera hið alvarlegasta mál í öllum réttarríkjum,“ sagði hann.

Stjórnarflokkurinn Lög og réttlæti samþykkti í síðasta mánuði að gera umfangsmiklar breytingar á dómstólnum, sem er sá æðsti í landinu. Gagnrýnendur segja að með þeim sé grafið undan eftirliti með stjórnvöldum.

Frétt mbl.is: Saka ríkisstjórnina um valdarán

Málið var til umræðu á fundi ráðamanna í Brussel í dag en Timmermans sagðist einnig hafa áhyggur af fjölmiðlaumhverfinu í Póllandi. Í síðustu viku ráku stjórnvöld stjórnendur og stjórnarmenn ríkisfjölmiðlanna, eftir að hafa komið í gegn lögum um vald stjórnvalda til að ráða í umrædd störf.

Frans Timmermans segir menn uggandi vegna breytinganna.
Frans Timmermans segir menn uggandi vegna breytinganna. AFP

Evrópuráðið hefur sagt tilhögunina „óásættanlega í raunverulegu lýðræðisríki.“

Samkvæmt Guardian getur rannsókn framkvæmdastjórnarinnar leitt til þess að Pólland verði svipt atkvæðarétti sínum innan Evrópusambandsins, en innanbúðamenn telja ólíklegt að mál þróist með þeim hætti. Þá er talið ólíklegt að Pólverjum verði úthýst úr Eurovision, líkt og sagt hefur verið frá.

Frétt mbl.is: Verður Póllandi vísað úr Eurovision?

Timmermans sagði tilgang rannsóknarinnar að kanna atriði málsins á hlutlægan hátt og koma á viðræðum við stjórnvöld í Póllandi án þess að gefa sér niðurstöðu fyrirfram.

mbl.is

Frá Sýrlandi til Evrópu - Greinaflokkur

Egat Luxe - Ferðanuddstóll á 37.000 Tilvalið í vinnustaðanudd, Borgar stólinn upp á 1 degi
Egat Luxe - Ferðanuddstóll til sölu Egat.is S: 8626194 (svartur á litinn) Þú er...
Hyundai i30 Station 2014
Til sölu Hyundai i30 ssk station 2014, ekinn 86.xxx km, á góðum vetrardekkjum, s...
Ertu með krabbamein á byrjunarstigi?
Eftir hægðir setur þú eitt Ez Detect prófblað í salernið. Ef ósýnilegt blóð e...
 
Félagslíf
Staður og stund
Aflagrandi 40 Opin vinnustofa kl. 9, gön...
Félagsstarf
Staður og stund
Aflagrandi 40 Opin vinnustofa kl. 9, Bin...
Hádegisfundur
Fundir - mannfagnaðir
ses.xd.is Samtök eldri sjálfstæði...
Bankasýsla
Tilkynningar
Bankasýsla ríkisins leitar að einstaklin...