20 látnir í árás í Búrkína Fasó

Rauða merkið sýnir borgina Ouagadougou.
Rauða merkið sýnir borgina Ouagadougou. Kort/Google Maps

Árásarmenn hafa myrt „nokkra“ á veitingastað í Ouagadougou, höfuðborg Búrkína Fasó. AFP hefur eftir starfsmanni veitingastaðarins að árásarmennirnir hafist við á fjögurra stjörnu hóteli andspænis veitingastaðnum.

Staðurinn heitir Cappuccino og starfsmaðurinn sagðist í gegnum síma ekki getað gefið upp nákvæman fjölda látinna. Lögreglumaður var skotinn er hann reyndi að fara inn á Splendid-hótelið.

Það heyrast enn byssuhvellir á vettvangi. Hryðjuverkasamtök tengd Al-Kaída eru sögð hafa lýst árásinni á hendur sér.

Uppfært kl. 23.58:

Samtökin AQIM hafa lýst hinni yfirstandandi árás á hendur sér samkvæmt Guardian. Öryggissveitir berjast nú gegn árásarmönnum og það hafa heyrst skothvellir og sprengingar á vettvangi.

Að sögn vitna gerðu byssumennirnir áhlaup á hið fjögurra hæða Splendid, kveiktu í bifreiðum fyrir utan og hleyptu af skotvopnum til að hrekja fólk á brott, áður en öryggissveitir mættu á staðinn.

Eitt vitni sagðist í samtali við AP að hann hefði séð fjóra menn láta til skarar skríða á hótelinu og Cappuccino Cafe um kl. 7.30 að staðartíma. Annað vitni sagði að þegar öryggissveitirnar komu fyrst á vettvang, hefðu þær hörfað í stað þess að ráðast strax gegn árásarmönnum.

Yfirvöld hafa lagt á útgöngubann, að sögn sendiherra Frakklands í Búrkína Fasó. Hann tísti að árásin stæði enn yfir og að sendiráðið sett saman neyðarteymi fyrir franska ríkisborgara. Talið er að fleiri en 3,500 Frakkar búi í landinu. Þeim skilaboðum hafði áður verið komið á framfæri að fólk ætti að halda sig heima fyrir.

Splendid hýsir stundum franska hermenn úr Operation Barkhane, sem er staðsett í Tjad og hefur það hlutverk að berjast gegn íslamistum í Sahel.

Uppfært kl. 00.11:

Það eru „fórnarlömb og gíslar“ í yfirstandandi árás í Ouagadougou, að sögn Alpha Barry utanríkisráðherra Burkína Fasó. Verið er að undirbúa gagnárás, mögulega með liðsinni franskra hermanna.

Stjórnandi sjúkrahúss í borginni segir að minnsta kosti 20 látna.

AFP sagði frá.

mbl.is

Frá Sýrlandi til Evrópu - Greinaflokkur

VÖNDUÐ VEL BÚIN KENNSLUBIFREIÐ
Vönduð, vel búin kennslubifreið Subaru XV 4WD . Akstursmat og endurtökupróf. Gyl...
Flísar og Fúga Flísalagnir
Vandaðar flísalagnir. Föst verðtilboð eða tímavinna þér að kostnaðarlausu. Vöndu...
Bílskúr/garðhús - Stapi 15 fm bjálkahús - kr. 395.000,-
Stapi er splunkunýtt hús sem við höfum hannað sérstaklega fyrir íslenskan markað...
 
Vélavörður
Sjávarútvegur
Vélavörður Vísir hf. óskar ef...
Háseti
Sjávarútvegur
Háseti Vísir hf óskar eftir a...
Samkoma
Félagsstarf
Samkoma kl. 20 í Kristniboðs- salnum. R...
Félagsstarf
Staður og stund
Árskógar 4 Smíðar og útskurður með leiðb...