Flóttinn á enda

Jonathan Tieu, Bac Duong og Hossein Nayeri.
Jonathan Tieu, Bac Duong og Hossein Nayeri. AFP

Tveir strokufangar, sem flúðu fangelsi í Kaliforníu fyrir rúmri viku síðan, voru handteknir í San Francisco í dag. Lögregla fékk ábendingu um mennina eftir að vegfarandi bar kennsl á bifreið sem mennirnir höfðu áður stolið á bílastæði.

Lögregla kom á staðinn og hljóp þá annar fanganna, Hossein Nayeri, úr bílnum. Hann komst þó ekki langt og var handtekinn. Hinn fanginn, Jonathan Tieu, fannst síðan inn í bílnum þar sem hann hafði falið sig. Hann reyndi ekki að flýja.

Að sögn Sandra Hutchens, lögreglustjóra, fundust skotfæri í bifreiðinni en engin vopn.  Hún sagðist jafnframt ekki vita til þess að strokufangarnir hafi valdið einhverjum skaða dagana sem þeir voru á flótta.

Þriðji fanginn, Bac Duong, gaf sig fram við lögreglu í Santa Ana í gær. Þegar mennirnir verða aftur fluttir í fangelsið sem þeir sluppu úr föstudaginn fyrir viku, verða þeir setti í klefa á öðru svæði en áður. Áður en þeir sluppu voru þeir í svefnsal með rúmlega 60 öðrum föngum.

Fyrri frétt mbl.is: Hættulegri með hverri mínútunni

Fyrri frétt mbl.is: Gaf sig fram við lögreglu

Hutchens sagði á blaðamannafundi í dag að nú væri skoðað hvað hafi farið úrskeiðis og gert mönnunum kleift að flýja. „Það mun taka smá tíma. En við viljum ekki að fleiri sleppi út.“

Sagði hún tilhugsunina um að fangar sleppi út eina „verstu martröð“ lögreglustjóra.

Fyrst var talið að mennirnir væru enn í Suður-Kaliforníu en síðustu daga kom í ljós að þeir væru á svæðinu í kringum San Franscico. Eigandi mótels í San Jose sagði í samtali við fjölmiðla að hann hafði kannast við Tieu og að mögulegt væri að fangarnir hefðu gist á mótelinu í tvær nætur.

Duong fór með hinum tveimur föngunum í norðurátt en sneri aftur til Santa Ana þar sem hann gaf sig fram við lögreglu.

Tri Nguyen, vinur Duong, sagði að hann hefði komið inn í fyrirtæki um klukkan 11 í morgun að staðartíma og sagt kærustu Nguyen, sem vinnur þar, að hann vildi gefa sig fram. Konan hringdi í lögreglu og stuttu síðar var staðurinn fullur af lögreglumönnum.

Nguyen og kærastan hans höfðu þekkt Duong í mörg ár áður en hann fór í fangelsi. „Ég er glaður því hann gerði það rétta með því að gefa sig fram,“ sagði Nguyen. „Nú þarf hann ekki að flýja lengur.“

Frétt Los Angeles Times. 

mbl.is
4949 skart hálfesti og armband
Er með nokkrar hálsfestar og armbönd úr 4949 línunni til sölu hægt að skoða inná...
Jöklar - Forsniðin íslensk einingahús
Við kynnum ný íslensk hús - hönnuð fyrir íslenska ferðaþjónustu út frá íslenskri...
Íslenskar handsmíðaðar barnaskeiðar
Silfur táknar velsæld og góða heilsu enda er silfur verðmætt og sótthreinsandi e...
IBM Kassakerfi m/snertiskjá og ofl
IBM kassakerfi m, snertiskjá,Epson bommuprent og skúffa. Tilbúin til uppsetnin...
 
Public affairs assistant
Öryggisstörf/Gæsla
Public affairs assist...
Útboð 20258
Tilboð - útboð
Útboð 20258 Endurnýjun fro...
Fagstjóri meistaranáms
Barnagæsla
www.uw.is Fagstjóri meistaranáms Hás...
Matreiðslumaður
Matvælaiðnaður
Framhaldsskólinn í Mosfellsbæ auglýs...