Leiðtogi breska Verkamannaflokksins, Jeremy Corbyn, sagði í gær að hann teldi að hagsmunum Bretlands væri best borgið með því að vera áfram innan Evrópusambandsins. Sagði hann flokk sinn sömu skoðunar en þjóðaratkvæði er fyrirhugað í landinu um veru þess í sambandinu sem gæti hugsanlega farið fram í júní. Corbyn sagði Verkamannaflokkinn ætla að leggja áherslu á félagslegar hliðar þess að vera áfram innan Evrópusambandsins.

Fram kemur í frétt AFP að Corbyn hafi verið gagnrýninn á Evrópusambandið á stjórnmálaferli sínum. Haft er eftir honum að Verkamannaflokkurinn telji veru í sambandinu besta rammann utan um viðskipti og samvinnu og að hagsmunum bresku þjóðarinnar væri best borgið með þeim hætti. Hins vegar vildi flokkurinn eftir sem áður sjá umbætur á Evrópusambandinu í átt til aukins lýðræðis og aukin félagsleg réttindi verkafólks. Sömuleiðis að lögð væri áhersla á sjálfbæran hagvöxt og fleiri störf. Þá yrði að stöðva þrýsting á einkavæðingu opinberrar þjónustu.

Tengdar fréttir

Brexit

Verði auðveldara að fara til og frá Bretlandi

• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins
• Meiri afli vegna Brexit kalli á fjárfestingar

» Fleiri tengdar fréttir

• Blogga um frétt