Öryggisráðið fundar um N-Kóreu
Setja bókamerki
Öryggisráð Sameinuðu þjóðanna mun halda neyðarfund í dag til þess að ræða eldflaugaskot Norður-Kóreumanna að beiðni Bandaríkjanna, Japans og Suður-Kóreu.
Frétt mbl.is: Eldflaugarskot Norður-Kóreu fordæmt
Fundurinn verður haldinn kl. 4 að íslenskum tíma en hann kemur í kjölfar þess að Norður-Kóreumenn skutu á loft langdrægri eldflaug, að sögn í þeim tilgangi að koma gervihnetti á loft. Alþjóðasamfélagið hefur þó lagt lítinn trúnað á þá frásögn og segja hana fyrirslátt. Raunverulegur tilgangur skotsins hafi verið að prófa langdræga eldflaug sem geti borið kjarnavopn Norður-Kóreumanna, í trássi við bann Sameinu þjóðanna.
Til umræðu hefur verið að sögn Reuters að herða viðskiptaþvinganir gegn Norður-Kóreu í kjölfar síðustu ögrana ríkisins. Heimildir innan öryggisráðsins segja von á atkvæðagreiðslu um slíkt síðar í mánuðinum.
Myndskeið: Segjast hafa skotið niður sprengjuflugvél
Nauðgaði kærustu sinni og tók það upp
Mun fara sparlega með málskotsréttinn
Gerir ráð fyrir 150 samningum í næstu viku
Unnu að fullum heillindum að kaupum á TM
„Búið að vera í dreifingu í einhvern tíma“