Íraksher hefur nú náð yfirráðum að fullu í kringum borgina Ramadi sem var áður undir stjórn hryðjuverkasamtakanna Ríki íslams. Þá hefur vegur sem tengir Ramadi og höfuðborgina Bagdad, verið opnaður að nýju.

Seint í desember tilkynnti Íraksstjórn að herinn hafi náð yfirráðum í Ramadi eftir átök sem stóðu yfir í rúman mánuð í austurhluta borgarinnar. Nú hefur herinn náð að „frelsa svæði austan við Ramadi“ eins og Sichariya, Juwaiba og Husaiba.

Ríki íslams náði yfirráðum yfir stórum svæðum í Írak í júní árið 2014 en hermenn Írakshers og bandamenn þeirra náðu að halda Ramadi frá hryðjuverkamönnunum þar til í maí 2015. Er það síðasta stórsókn Ríkis íslams í Írak en yfirráðasvæði þeirra hefur farið minnkandi síðustu misseri.

Hryðjuverkasamtökin eru þó enn með yfirráð í borginni Fallujah, austan við Ramadi og Mosul sem er næststærsta borg Íraks.

Þúsundir hermanna eru nú á leið til svæðis suðaustan við Mosul til þess að hefja aðgerðir til þess að taka úr umferð birgðaleiðir hryðjuverkamannanna. Er það hluti af áætlun hersins til að ná borginni aftur á sitt vald.

Tengdar fréttir

Írak

Bandaríkin hæfðu höfuðstöðvar Hisbollah

• Tuttugu ár frá umdeildri innrás í Írak
• Í heimsókn 20 árum eftir innrásina
• 23 skotnir til bana í Írak
• Forsætisráðherrann lifði af banatilræði

» Fleiri tengdar fréttir

Ríki íslams

Neita að tjá sig um Ríki íslams

• Vara við hugsanlegum hryðjuverkum í Moskvu
• Ekki vitað um aðra ISIS-liða
• Ríki íslams lýsir árásinni á hendur sér
• Leiðtogi Ríkis íslams sagður látinn

» Fleiri tengdar fréttir

• Blogga um frétt