Cameron vill Assange úr sendiráðinu

Cameron segir að Assange ætti að yfirgefa sendiráðið og taka ...
Cameron segir að Assange ætti að yfirgefa sendiráðið og taka því sem koma skal. Samsett mynd/AFP

Julian Assange ætti að yfirgefa sendiráð Ekvador í Lundúnum og binda enda á „þessa sorgarasögu“, sagði David Cameron forsætisráðherra Breta á breska þinginu í dag. Hann sagði niðurstöðu nefndar Sameinuðu þjóðanna „fáránlega“.

Assange hefur verið sakaður um kynferðisbrot í Svíþjóð og hefur dvalið í sendiráðinu til að koma í veg fyrir að verða afhentur sænskum yfirvöldum, en hann óttast að verða framseldur frá Svíþjóð til Bandaríkjanna, þar sem hann á yfir höfði sér ákærur vegna Wikileaks.

Nefnd á vegum Sameinuðu þjóðanna komst að þeirri niðurstöðu í síðustu viku að Assange hefði sætt ólögmætu varðhaldi af hálfu Breta og Svía, en Cameron sagði hana út í hött.

„Hér hefur þú mann sem hefur verið sakaður um nauðgun. Hann lokaði sig inni í sendiráði Ekvador en heldur því fram að hann hafi sætt ólögmætu varðhaldi. Eina manneskjan sem hélt honum í haldi var hann sjálfur.“

Forsætisráðherrann sagði að Assange ætti að yfirgefa sendiráðið og takast á við handtökuskipunina sem hefði verið gefin út á hendur honum. Þá benti hann á að ásakanirnar hefðu verið lagðar fram í Svíþjóð, ríki sem hefði gott orðspor hvað varðar útdeilingu réttlætis.

Sænskur saksóknari sagði í gær að þess yrði áfram freistað að yfirheyra Assange í sendiráðinu, þrátt fyrir niðurstöðu nefndar SÞ.

mbl.is

Frá Sýrlandi til Evrópu - Greinaflokkur

UHD skjáir ( 4k )
Upplýsingar gefur Ólafur hjá Varmás ehf. sími 566 8144 ...
Stimplar
...
Tunica
Tískuverslunin Smart Grímsbæ/Bústaðavegi Tunica st. 16-30 Sími 588 8050. - vertu...
 
Félagsstarf
Staður og stund
Aflagrandi 40 Opin vinnustofa kl. 9, bin...
Anr17030235 styrkur
Styrkir
Atvinnuvega- og nýsköpunarráðuneytið ...
Félagsstarf
Staður og stund
Aflagrandi 40 Opin vinnustofa kl 9. Morg...
Samkoma
Félagsstarf
Alþjóðleg samkoma kl. 20 í Kristniboðs...