Hassan rekinn úr flokknum

Yahya Hassan
Yahya Hassan mbl.is/Golli

Nationalpartiet (Þjóðarflokkinn) hefur rekið ljóðskáldið Yahya Hassan úr flokknum eftir að upplýst var um að danska lögreglan hafi handtekið Hassan fyrir að akstur undir áhrifum fíkniefna. 

Hassan, sem kom hingað til lands að kynna ljóðabók sína, var í framboði fyrir Þjóðarflokkinn í þingkosningunum á síðasta ári en flokkurinn var þá nýlega stofnaður.

 Nationalpartiet (Þjóðarflokkinum) tókst ekki að fá þau 20 þúsund meðmæli sem þurfti til að hann yrði gjaldgengur í þingkosningunum í júní í fyrra. Þess í stað ákváðu Hassan og sex aðrir meðlimir flokksins að bjóða sig fram hver í sínu kjördæmi, en þó undir nafni flokksins. Meðal þeirra eru Kashif Ahmad, formaður flokksins, sem bauð sig fram á Kaupmannahafnarsvæðinu meðan Hassan bauð sig fram á Austur-Jótlandi.

Að sögn formanns flokksins, Kashif Ahmad, var þetta ákveðið á fundi stjórnar flokksins í gær. Segir Ahmad að hegðun Hassans samrýmist ekki stefnu flokksins en í gær birti Ekstrabladet frétt um að lögreglan á Austur-Jótlandi hafi handtekið Hassan eftir að hann hafi ekið á aðra bifreið í Trige, norður af Árósum. Enginn slasaðist í árekstrinum en í ljós kom að Hassan var undir áhrifum fíkniefna er hann ók bifreiðinni og því var hann handtekinn.

Yahya Hassan
Yahya Hassan

Ahmad segir að þetta sé ekki eina ástæðan fyrir því að Hassan hafi verið rekinn úr flokknum. Hann hafi ítrekað komið sér í fyrirsagnir fjölmiðla vegna ummæla og hegðunar sem sé í andstöðu við það sem flokkurinn standi fyrir.

Ahmad hringdi í Hassan í gærkvöldi og tjáði honum ákvörðun stjórnarinnar en skömmu áður hafði Hassan verið látinn laus úr haldi lögreglu. Eftir þetta setti Hassan færslu inn á Facebook þar sem hann staðfestir að vera ekki lengur flokksmaður.

Í fyrra sagði Hassan í viðtali við TV2 að hann væri fórnarlamb eineltis af hálfu lögreglunnar en samkvæmt frétt Berlingske er vart hægt að tala um viðtal þar sem Hassan hélt einræðu án þess að spyrillinn kæmist að með spurningar sínar. Viðtalinu lauk með því að Hassan stóð upp og yfirgaf upptökuverið.

Yahya Hassan
Yahya Hassan mbl.is/Kristinn

Yahya Hassan hristi rækilega upp í dönsku samfélagi þegar hann árið 2013, aðeins 18 ára gamall, sendi frá sér metsöluljóðabók sem lýsir uppvexti í skugga heimilisofbeldis og langtímavistun á uppeldisstofnunum. Hann ræðst harkalega á feðraveldið og hræsnina sem hann sér meðal múslímskra innflytjenda í Danmörku. 

Silja Björk Huldudóttir ræddi við Hassan þegar hann kom hingað til lands árið 2014. 

„Ég myndi ekki lýsa sjálfum mér sem reiðum, ungum manni. Það er hins vegar sú mynd sem danskir fjölmiðlar hafa valið að draga upp af mér og ég get ekki stjórnað þeirra túlkun á mér, þó ég sé ósáttur við hana. Það eina sem ég get gert er að veita fleiri viðtöl til að reyna að leiðrétta hlutina og koma mínum skoðunum á framfæri,“ segir ljóðskáldið Yahya Hassan í samtali við Morgunblaðið.

Ég hef eignast eigin rödd

Frétt Berlingske

mbl.is

Frá Sýrlandi til Evrópu - Greinaflokkur

Túbals - Múlakot
fallegt verk eftir Túbals, olía á striga, máluð af Múlakoti í Fljótshlíð. Merkt,...
Nýtt
Tískuverslunin Smart Grímsbæ/Bústaðavegi NÝTT - St. 40-54 Sími 588 8050. - vertu...
Frá Kattholti
Kæru vinir, hjartans þakklæti til ykkar allra sem komu og studdu okkur þann 26.n...
 
Félagsstarf
Staður og stund
Árskógar 4 Opin smíðastofa kl. 9-16. Han...
L edda 6016112919 ii
Félagsstarf
? EDDA 6016112919 II Mynd af auglýsi...
Umhverfissjóður anr16110262
Styrkir
Umhverfissjóður sjókvíaeldis auglýsi...
Félagsstarf aldraðra
Staður og stund
Árskógar 4 Smíðar og útskurður með leiðb...