Sænskri stúlku bjargað frá Ríki íslams

Hermenn Kúrda að störfum í Sýrlandi. Mynd úr safni.
Hermenn Kúrda að störfum í Sýrlandi. Mynd úr safni. AFP

Hersveitir Kúrda björguðu sextán ára gamallri sænskri stúlku frá vígamönnum Ríkis íslams nálægt írösku borginni Mosul í síðustu viku. Öryggisráð Kúrdistan greindi frá þessu í dag. Í yfirlýsingu kemur fram að stúlkan sé frá sænska bænum Boras.

„Hún var blekkt af liðsmanni Ríkis íslams í Svíþjóð til þess að fara til Sýrlands og síðar til Mosul,“ sagði í yfirlýsingunni. Talskona utanríkisráðuneytis Svíþjóðar sagði þó í samtali við sænska fjölmiðla að málið væri ekki komið á þeirra borð. 

Í yfirlýsingu Kúrda var stúlkan nafngreind og þá fylgdi mynd af henni. Kom jafnframt fram að sænsk yfirvöld og fjölskyldumeðlimir stúlkunnar hafi haft samband við öryggisráðið og beðið um aðstoð við að finna stúlkuna og bjarga henni frá hryðjuverkamönnunum.

Stúlkan er að sögn ráðsins í Kúrdistan og er það séð um hana „eftir alþjóðlegum lögum.“

Segir í tilkynningunni að hún verði flutt til sænskra yfirvalda um leið og „nauðsynlegar tilhaganir hafa verið ákveðnar.“

Sænskir miðlar hafa greint frá því að stúlkan hafi verið 15 ára og barnshafandi þegar hún yfirgaf Boras í maí á síðasta ári með kærasta sínum. Þau fóru saman til Sýrlands og var hún handsömuð af liðsmönnum Ríkis íslams í  Aleppo í ágúst. Stuttu síðar staðfesti utanríkisráðuneyti Svíþjóðar að Svíi undir lögaldri væri í Sýrlandi og væri í sambandi við fjölskyldu sína.

Frétt BBC. 

mbl.is

Bloggað um fréttina

Frá Sýrlandi til Evrópu - Greinaflokkur

Gleraugu - töpuðust í Galtarlækjarskógi
Gleraugu (Ray Ban) Svört spöng - karlmanns - Týndust í útilegu í Galtarlæk þann...
Vatnshitarar fyrir sumarhús.
Ýmsar gerðir af vatnshiturum 3300w til 21000w fyrir sumarhús, þessi búnaður er f...
Ukulele
...
 
Aðalfundur
Fundir - mannfagnaðir
Aðalfundur Hollvinasamtaka Heilsustofn...
Samkoma fellur niður í kvöld
Félagsstarf
Hörgshlíð 12 Samkoma fellur niður í kv...
Deiliskipulag
Tilboð - útboð
Kjósarhreppur Kjósarhreppur a...
Félagsstarf
Staður og stund
Árskógar 4 Smíðar/útskurður með leiðb. k...