Dauðsföll þegar hús hrundi

Þriggja hæða hús hrundi í borginni Mumbai á Indlandi í dag með þeim afleiðingum að þrír að minnsta kosti létu lífið og fimm slösuðust. Húsið sem hrundi var í fjámálahverfi borgarinnar en óttast er að 5-6 aðrir séu enn fastir í rústunum. Tölur yfir látna eru þó eitthvað á reiki en haft er eftir lögreglumanni í frétt AFP að einn hafi að minnsta kosti látist.

Fram kemur í fréttinni að húsið hafi hýst bar og verksmiðju. Ekki liggur fyrir á þessari stundu hvað olli því að húsið hrundi. Ennfremur segir í fréttinni að hús hafi ítrekað hrunið í Mumbai á undanförnum árum. Ástæðurnar séu gjarnan að kastað hefur verið til verka við byggingu þeirra, lítil gæði byggingarefna og aldur húsanna. Slík hús eru engu að síður notuð enda húsnæðisskortur víða.

• Blogga um frétt