Fundu mikið magn rómverskra peninga

Byggingaverkamenn í suðurhluta Spánar fundu fyrr í vikunni rúmlega 600 kíló af rómverskri bronsmynt sem geymd var í samtals 19 leirkrukkum sem grafnar höfðu verið í jörð. 

Fram kemur á fréttavefnum Thelocal.es að um talið sé að um gríðarlega mikilvægan fund sé að ræða. Sérfræðingar á fornminjasafni í borginni Sevilla. Ekki liggi fyrir hvert verðmæti fundarins sé en talið að hann sé allavega nokkurra milljón evra virði.

Myntin er frá því á síðari hluta þriðju aldar og fyrrihluta fjórðu aldar. Ástand myntarinnar er óvenju gott sem bendir til þess að hún hafi aldrei farið í umferð. Þá eru krukkurnar minni en þær sem mynt hefur fundist í til þessa sem þykir benda til þess að þær hafi verið sérhannaðar til þess að flytja peninga í. Hugsanlegt sé að um skattfé hafi verið að ræða eða laun hermanna.

• Blogga um frétt