Ken Livingstone, fyrrverandi borgarstjóri Lundúna, segist sjá eftir því að hafa minnst á Adolf Hitler í rökræðum flokksmanna Verkamannaflokksins um gyðingahatur. Honum var vikið tímabundið úr Verkamannaflokknum vegna ummæla sinna.
Ummælin lét Livingstone falla í viðtali við BBC London, þar sem hann kom þingmanninum Naz Shah til varnar, en síðarnefnda var vikið tímabundið úr flokknum eftir að hann „studdi“ Facebook-færslu þar sem lagt var til að Ísraelsmönnum yrði vísað úr landi. Hélt Livingstone því fram í viðtalinu að Hitler hefði stutt síonisma, „áður en hann varð brjálaður og myrti 6 milljón gyðinga“.
Livingstone hefur hins vegar ekki beðist afsökunar enda sagði hann í útvarpsviðtali í morgun að hann teldi það sem hann sagði vera rétt. „Hvernig get ég séð eftir því að segja sannleikann?“ sagði Livingstone m.a. í viðtalinu í dag við LBC útvarpsstöðina. Hann segist eingöngu hafa verið að segja frá staðreyndum sem forsætisráðherra Ísraels, Benjamin Netanyahum, hefði sagt tveimur dögum fyrr.
Þáttastjórnandinn reyndi að ýta á Livingstone að biðjast afsökunar en það vildi hann ekki gera.
„Ef ég hefði vitað um þessi viðbrögðum, hefði ég ekki minnst á Hitler,“ sagði Livingstone loksins.
„