Kimye ræða hreindýraát á Íslandi

Íslandsvinirnir Kim Kardashian og Kanye West ræddu Íslandsheimsókn sína og hreindýraát  á rauða dreglinum á Galakvöldi Metropolitan listasafnsins í New York í gærkvöld.

André Leon Talley frá Vogue spurði Kim hvað hún hefði verið að gera á Íslandi. „Kanye var að taka upp tólistarmyndband,“ svaraði Kim og fékk því næst þá spurningu hvað hún hefði borðað á Íslandi.

„Folaldakjöt og hreindýr,“ svaraði hún. „Og hvernig smakkast hreindýr?“ spurði Talley. „Ég lét mér nægja að borða franskar kartöflur,“ svaraði Kim og Kanye skaut inn: „Það bragðast eins og jólin,“ og uppskar hlátur frá Talley sem spurði hjúin því næst út í líðan barna þeirra.  

Viðtalið má finna hér

• Blogga um frétt