Leiðtogi Norður-Kóreu, Kim Jong-un var í dag útnefndur formaður Verkamannaflokksins á flokksþingi sem hófst á föstudaginn. Forseti þingsins, Kim Yong-Nam, greindi frá þessu en erlendir fjölmiðlar hafa fengið að fylgjast með þinginu í dag en þetta er fyrsta flokksþing Verkamannaflokksins í 36 ár.

Kim ættin hefur ráðið ríkjum í landinu frá stofnun þess árið 1948. Útnefning hans sem formaður flokksins mun án efa styrkja vald hans í landinu en Jong-un hefur verið leiðtogi landsins síðan að faðir hans Kim Jong-Il lét lífið árið 2011.

Jong-Il hefur verið útnefndur „eilífðar formaður“ flokksins en faðir hans, Kim Il-Sung er „eilífðar forseti“ þjóðarinnar þrátt fyrir að hafa látist árið 1994.

Tengdar fréttir

Norður-Kórea

Skutu langdrægu flugskeyti á loft

• Zhao heimsækir Norður-Kóreu
• Segir Kishida vilja funda með Kim Jong-un
• 12 ára þrælkunarvinna fyrir sjónvarpsgláp
• Heræfing nærri suðurkóreskri lögsögu

» Fleiri tengdar fréttir

• Blogga um frétt