Stærsta plakat heims

Plakatið á Plainpalais torgi í Geneva
Plakatið á Plainpalais torgi í Geneva AFP

Stuðningsmenn fyrir borgaralaunum, eða skilyrðislausri grunnframfærslu, í Sviss settu í dag heimsmet með að útbúa stærsta plakat heims og var það staðfest af Guinness heimsmetabókinni. Á plakatinu er skrifað „hvað myndir þú gera ef tekjur þínar væru tryggðar?“ í gullstöfum á svörtum bakgrunni. 

Plakatið var sett upp á Plainpalais torgi í Geneva í Sviss, en heildarstærð plakatsins er 8.115 fermetrar.

Hópurinn á bak við verkið kallar sig Borgaralaun fyrir Sviss og vill að allir fullorðnir einstaklingar fá lágmarks grunnframfærslu upp á 2500 svissneska franka, en það jafngildir um 318 þúsund íslenskum krónum á mánuði.

Kosið verður um tillöguna 5. júní, en í október söfnuðu stuðningsmenn frumvarpsins 100 þúsund undirskriftum sem kallar á þjóðaratkvæðagreiðslu um málið.

Sérfræðingar segja að aðgerðin muni að öllum líkindum kalla á skattahækkun og einhverjir telja að það muni ýta undir að fólk hætti að vinna. Talsmaður Borgaralauna fyrir Sviss segir aftur á móti að með þessu sé hópurinn að segja að Sviss eigi næga peninga fyrir alla þegna landsins til að vera til.

Stærð þess sést ágætlega á þessari mynd.
Stærð þess sést ágætlega á þessari mynd. AFP
mbl.is

Frá Sýrlandi til Evrópu - Greinaflokkur

Nudd Nudd Nudd
Relaxing Nudd Down Town Reykjavik, S. 6959434, Alima...
HARÐVIÐUR TIL HÚSBYGGINGA
Harðviður til húsabygginga Sjá nánar á www.vidur.is Vatnsklæðning, panill, palla...
 
Skrifstofustjóri
Stjórnunarstörf
Skrifstofustjóri óskast til starfa hjá ...
Deiliskipulag
Tilboð - útboð
Kjósarhreppur auglýsir skv....
Félagsstarf
Staður og stund
Árskógar 4 Smíðar/útskurður m./leiðb. kl...
Geirlandsá - útboð óskað er eftir tilbo
Veiði
Geirlandsá - útboð Óskað er eftir til...