Finnsk stjórnvöld hafa lýst því yfir að Afganir, Írakar og Sómalir geti snúið aftur til heimalanda sinna. Þau séu nú örugg lönd. Þetta kemur fram í nýjum leiðbeiningum frá útlendingastofnun Finnlands.
Fram kemur á fréttavefnum Euobserver.com að þetta þýði að erfiðara verði fyrir ríkisborgara þessara landa að fá dvalarleyfi í Finnlandi. Hins vegar vari finnsk stjórnvöld ríkisborgara sína á sama tíma við því að ferðast til landanna þriggja.