Panamska lögmannsstofan Mossack Fonseca hefur ákveðið að loka skrifstofum sínum á bresku eyjunum Jersey, Mön og Gíbraltar. Þjónusta við viðskiptavini á þessum eyjum verður þó áfram hin sama.

Lögmannsstofan tilkynnti um áformin á Twitter-síðu sinni í gær, en þar segir að ákvörðunin hafi verið tekin með miklum trega. Lögmannsstofan hafi haft aðsetur á eyjunum í yfir tuttugu ár.

Lögmannsstofan varð miðpunktur stærsta gagnaleka sögunnar í apríl síðastliðnum eftir að 11,5 milljónum skjala lögmannsstofunnar, svonefndum Panamaskjölum, var lekið á netið.

Þýski fjölmiðill­inn Süddeutsche Zeit­ung deildi Panamaskjöl­un­um með alþjóðasam­tök­um rannsókn­ar­blaðamanna, In­ternati­onal Consorti­um of In­vestigati­ve Journa­lists, sem veitti yfir hundrað fjöl­miðlafyr­ir­tækj­um aðgang að þeim.

Lögmannsstofan, sem sérhæfir sig í rekstri aflandsfélaga, hefur ítrekað neitað því að hafa gert nokkuð rangt.

This decision has been taken with great regret, as Mossack Fonseca has had a presence in these locations for more than 20 years.

— Mossack Fonseca (@Mossfon) 27 May 2016

Our offices in Jersey, Isle of Man and Gibraltar will be ceasing operations, but we will continue serving all of our clients.

— Mossack Fonseca (@Mossfon) 27 May 2016

Tengdar fréttir

Panamaskjölin

Fyrrverandi forsetar Panama ákærðir

• Sýkna yfir Sjólaskipssystrum stendur
• Mál Sjó­la­skipa­systkina send aftur í hérað
• Alþjóðleg handtökuskipun gefin út
• Öllum málum Sjólaskipasystkina vísað frá

» Fleiri tengdar fréttir

• Blogga um frétt