Enskar bullur kveiktu í veitingastað
Setja bókamerki
Enskum fótboltabullum lenti saman við rússneskar bullur og frönsku lögregluna í borginni Marseille í Frakklandi í kvöld, en á morgun fer fram leikur Englands og Rússlands í borginni. Eigendum veitingastaða í Vieux Port-hverfinu var í framhaldi af látunum skipað að loka stöðum sínum.
Samkvæmt upplýsingum AFP-fréttastofunnar voru um 250 stuðningsmenn Englands sem lenti saman við lögregluna í Vieux Port-hverfinu og hentu þeir meðal annars bjórdósum og öðru lauslegu í lögreglumennina. Var þeim svarað með táragasi. Nokkrir voru handteknir og einn fluttur á spítala vegna minni háttar meiðsla.
Á Twitter síðu ljósmyndarans Owen Humphreys er birt myndskeið sem sýnir þegar stuðningsmenn Englands hafa kveikt í húsgögnum við veitingastað og að hluta til í veitingastaðnum sjálfum í hverfinu og henda dóti í lögregluna.
Knattspyrnusamband Englands sendi frá sér tilkynningu í kjölfarið þar sem hegðun stuðningsmannanna var fordæmd.
Shocking behaviour in #Marseille shot this video tonight driving to my hotel #Eng @EURO2016 pic.twitter.com/7n4f4lAxD2
— Owen Humphreys (@owenhumphreys1) June 10, 2016
„Hvílir mikil leynd yfir þessu öllu“
Vona að Orkustofnun veiti ekki virkjunarleyfi
Beint frá Kína
Verðbólgan komin niður í 6%
„Okkur miðar í rétta átt“
Hernaðaraðstoð samþykkt – Vopnasendingar í vikunni
Tapa fimm milljónum á dag
„Skýr skilaboð til Seðlabankans“