Trump vill að Bretar yfirgefi ESB
Setja bókamerki
Donald Trump styður útöngu Bretlands úr Evrópusambandinu, að því er fram kemur í viðtali sem Sunday Times tók við hann og birti í dag. Telur hann hag Breta betur borgið utan sambandsins.
„Persónulega myndi ég frekar hallast að því að yfirgefa sambandið, af mörgum ástæðum, eins og að minnka skriffinnsku,“ sagði hann í viðtalinu. „En ég er ekki breskur ríkisborgari. Þetta er bara mín skoðun.“
Trump, sem er forsetaefni Repúblikanaflokksins í kosningunum í Bandaríkjunum í nóvember, sagðist jafnframt ætla að reyna að halda góðu sambandi við alþjóðlega leiðtoga, þar á meðal David Cameron, forsætisráðherra Bretlands, ef hann yrði kjörinn forseti Bandaríkjanna.
Cameron hefur gagnrýnt Trump harðlega, sér í lagi hugmyndir hans um að meina múslimum að koma til Bandaríkjanna. Sagði hann hugmyndina „sundrandi, heimskulega og ranga“.
Trump ferðast til Bretlands 24. júní, aðeins degi eftir þjóðaratkvæðagreiðsluna um framtíð Breta í Evrópusambandinu, en þar mun hann meðal annars heimsækja tvo golfvelli sem hann á í Skotlandi.
Sáttur við sína stöðu og finnur fyrir meðbyr
Mest spennandi kosningar í áratugi
Katrín: Jóhönnustjórnin talaði máli Íslands
Lögreglan rannsakar andlát konu í fjölbýlishúsi
Lögreglan ekki tekið afstöðu til kærunnar
Búið að bólusetja börn alla helgina
Áverkar bentu til manndráps
Réttlátara kerfi: Flestir fá 30 þúsund eða meira