„Þetta er stórkostlegt“
Setja bókamerki
Donald Trump fagnaði niðurstöðu þjóðaratkvæðagreiðslu Breta um aðild þeirra að Evrópusambandinu í dag þar sem Bretar kusu að ganga úr sambandinu. Trump er nú staddur í Skotlandi sem er hans fyrsta utanlandsferð síðan hann varð sennilegur frambjóðandi Repúblikana í forsetakosningunum í Bandaríkjunum í nóvember.
„Mér finnst þetta frábært. Þetta er stórkostlegt,“ sagði hann í samtali við blaðamenn í morgun skömmu eftir að hann kom til Skotlands.
Trump hafði tjáð sig um atkvæðagreiðsluna í bandarískum fjölmiðlum og ítrekaði þá afstöðu sína að Bretar ættu að ganga úr sambandinu.
Trump mætti í þyrlu til þess að opna golfvöll í hans eigu í Turnberry þar sem mátti sjá stóran skoskan fána við hún. Þar mátti þó líka sjá mótmælendur sem létu í sér heyra gegn heimsókn hins umdeilda Trump.
Heimsókn Trump er stutt, eða aðeins til þess að opna formlega golfvöllinn en hann verður farinn aftur til Bandaríkjanna á morgun.
Yfirlýsingar Trump gegn innflytjendum og að byggja ætti vegg milli Mexíkó og Bandaríkjanna hafa vakið hörð viðbrögð í Evrópu. Þá kallaði fráfarandi forsætisráðherra Bretlands, David Cameron, hugmynd Trump um að banna múslimum að koma til Bandaríkjanna, „heimskulega“ og „ranga“.
Færa slökkviliðið til nútímans
Segjast hafa skotið niður langdræga sprengjuvél
Hafa samþykkt kaup fyrir um 9,2 milljarða
„Menn eru bara búnir að forgangsraða“
Þrjú og hálft ár fyrir skotárás í Úlfarsárdal
Markaðurinn hitnar og leiguverð hækkar hratt