Gekk nakinn um götur

Nakinn karlmaður, sem gekk í rólegheitunum um götur Burlington í Vermont, hefur vakið mikla athygli. Hann var þó í strigaskóm og með „buff“ á höfði.

Nakti maðurinn sást fyrst í dag á gangi um Church Street. Vegfarendur voru undrandi en gatan er fjölfarin og þar koma margir til að versla og fara á veitingastaði.

Lögreglan í Burlington segir í samtali við AP-fréttastofuna að þó að nekt mannsins sé ósæmileg er ekki víst að hún sé ólögleg svo lengi sem hann fór nakinn að heiman og áreitir engan.

• Blogga um frétt