Kóaladýrið Bowie hefur heillað ástralska dýralækna. Kóalabjörninn var nýlega lagður inn á Australia Zoo Wildlife-dýraspítalann í nágrenni Brisbane eftir að ekið hafði verið á hann og kom það dýralæknum þar á óvart að uppgötva að björninn var með mislit augu.

Annað auga Bowie er brúnt og hitt blátt, líkt og á söngvaranum heitna sem björninn hefur verið skírður í höfuðið á.

Heilkennið nefnist heterochromia og er einkar sjaldgæft og til komið vegna víkjandi gens sem erfist frá foreldrum og hefur áhrif á lithimnu augans.

Dýralæknarnir segja heilkennið ekki hafa áhrif á sjón Bowie. „Auk þess að vera einkar heppinn að slasast ekki alvarlega er hann alveg einstakur þar sem heterochromia er ekki algeng hjá kóalabjörnum,“ sagði dýralæknirinn Sharon Griffiths, sem kvað Bowie einungis hafa marist á fæti við áreksturinn.

Algengara er að hundar og kettir séu með heterochromiu.

Tengdar fréttir

Krúttleg dýr

Íslenskir hestar og hundar frá Gasa á JFK-flugvelli

• Blóðgjöfin sem bjargaði hundslífi
• Hundur gaf hundi blóð
• Lúrði á staurnum og opnaði augun annað slagið
• Bjarni Ben fékk lítinn nafna á Bessastöðum

» Fleiri tengdar fréttir

• Blogga um frétt