Sagði Boris Johnson lygara
Setja bókamerki
Jean-Marc Ayrault, utanríkisráðherra Frakklands, hefur kallað hinn nýskipaða breska starfsbróður sinn, Boris Johnson, lygara. Ummælin lét Ayrault falla í viðtali við útvarpsstöðina Europe 1. BBC greinir frá þessu.
Utanríkisráðherrann segir Johnson hafa logið að bresku þjóðinni í aðdraganda Brexit-atkvæðagreiðslunnar. „Ég hef ekki áhyggjur af Boris Johnson, en þú veist hvernig hann er, hvernig aðferðir hans voru fyrir atkvæðagreiðsluna – hann laug mikið að breskum almenningi.“
Segir hann Johnson hafa stillt sjálfum sér upp við vegg og þurfi nú að vernda þjóð sína, á sama tíma og sambandið við Evrópu þurfi að skýrast. „Ég þarf félaga sem ég get átt samningaviðræður við og er skýr, trúanlegur og áreiðanlegur,“ sagði Ayrault og bætti við að óvissuástandið mætti ekki dragast óþarflega á langinn.
Nýr forsætisráðherra Bretlands, Theresa May, hefur rætt við Francois Hollande Frakklandsforseta um útgöngu Bretlands úr Evrópusambandinu, en hún segir Breta þurfa tíma til að undirbúa samningaviðræður við sambandið.
Vill engin tímamörk á fóstureyðingum
Segir Samfylkinguna apa eftir Framsókn
Hæstiréttur staðfestir vanhæfi alls Landsréttar
Unnu að fullum heillindum að kaupum á TM
„Búið að vera í dreifingu í einhvern tíma“
Á annað hundrað símtala vegna nikótínvara
Sama stefna í gildi í útlendingamálum
Stundum er erfitt að fara að sofa