Norður-Kórea skaut eldflaugum á loft
Setja bókamerki
Stjórnvöld í Norður-Kóreu skutu í nótt þremur eldflaugum í sjóinn undan austurströnd landsins, að sögn yfirvalda í Bandaríkjunum og Suður-Kóreu.
Flaugunum var skotið frá Hwangju-héraðinu og flugu þær um 500 til 600 kílómetra út í hafið.
Tvær eldflauganna voru skammdrægar, að sögn bandarískra sérfræðinga.
Talið er að eldflaugaskotin séu svar norðurkóreskra stjórnvalda við áformum Bandaríkjanna og Suður-Kóreu um að setja upp loftvarnarkerfi til þess að verjast hótunum úr norðri.
Norður-Kóreumenn hófu eldflaugatilraunir í febrúar síðastliðnum þrátt fyrir ítrekuð bönn við slíku.
Ekki liggur enn fyrir hvar loftvarnakerfið verður staðsett.
Hwang Kyo-ahn, forsætisráðherra Suður-Kóreu, segir að tilraunirnar hafi verið sjaldgæfar áður fyrr, en nánast linnulausar það sem af er árinu.
„Ógnin við þjóðaröryggi okkar hefur aukist mjög fljótt á skömmum tíma,“ segir hann.
Handteknir eftir myndatöku í Vesturbæjarlaug
Árshátíð ríkislögreglustjóra haldin í Tékklandi
Æskuvinur Íslendings myrtur í Noregi
Kostnaður meiri en milljón á fermetra
Vélsleðaslys: Þyrlan kölluð út á mesta forgangi
Shakespeare fannst í skókassa
Tveir í bílnum sem lenti utan vegar