Tim Kaine er varaforsetaefni Hillary Clinton. Þetta var tilkynnt nú rétt eftir miðnætti, en landsþing demókrata hefst á mánudaginn í Philadelphiu. Munu Clinton og Kaine halda sameiginlegan framboðsfund á morgun.
I'm thrilled to announce my running mate, @TimKaine, a man who's devoted his life to fighting for others. -H pic.twitter.com/lTVyfztE5Z
— Hillary Clinton (@HillaryClinton) July 23, 2016
Kaine er öldungadeildarþingmaður fyrir Virginíu en var áður ríkisstjóri þar og þar áður borgarstjóri Richmond, höfuðborgar ríkisins. Hann þykir sjóaður í bæði innan- og utanríkismálum og hefur átt sæti í hernaðar- og utanríkismálanefndum öldungadeildarinnar, auk fjárlaganefndarinnar.
Kaine er kaþólskur, talar spænsku reiprennandi og hefur unnið að því að afla sér fylgis meðal framsækinna kjósenda. Hann ítrekaði t.d. nýverið stuðning sinn við niðurstöðuna í máli Roe gegn Wade, en dómurinn tryggði bandarískum konum réttinn til fóstureyðinga.
Þar sem erfitt er að spá um úrslit í Virginíu í baráttu Clinton og Trump gæti Kaine reynst Clinton ómetanlegur bandamaður.