Norður-Kórea segir að forseti Suður-Kóreu, Park Geun-Hye, sé geðsjúklingur eftir að hún gagnrýndi kjarnorkuáætlun Norður-Kóreu og varði uppsetningu eldflaugavarnarkerfis Bandaríkjamanna.
Pars segir að uppsetning kerfisins THAAD sé gerð í varnarskyni vegna þenslu í kjarnorkuvopnaáætlun Norður-Kóreu. Talsmaður Norður-Kóreu segir að um lélega afsökun sé að ræða hjá kjölturakka sem geti ekki gert neitt nema að fá samþykki frá yfirboðurum sínum í Bandaríkjunum.
„Þetta er ekkert annað en bull geðsjúklings,“ segir í fréttatilkynningu frá yfirvöldum í N-Kóreu.