Sundmenn stöðvaðir á leið úr landi
Setja bókamerki
Brasilísk yfirvöld stöðvuðu tvo bandaríska sundmenn, Gunnar Bentz og Jack Conger, þegar þeir voru að fara úr landi á flugvellinum í Ríó í gær. Mennirnir voru sóttir út í flugvél og yfirheyrðir í nokkrar klukkustundir áður en þeim var sleppt úr haldi. Bandaríska ólympíunefndin hefur staðfest þetta.
Tveir liðsfélagar þeirra, Ryan Lochte og James Feigen, mega ekki yfirgefa Brasilíu en Lochte hafði þegar yfirgefið landið þegar tilskipunin kom frá brasilísku lögreglunni. Ástæðan fyrir þessum afskiptum lögreglunnar af sundmönnunum er tilkynning þeirra um að þeir hafi verið rændir í Ríó á sunnudag en lögreglan hefur vissar efasemdir um sannleiksgildi ásakana sundmannanna.
Frétt mbl.is: Bannað að yfirgefa Brasilíu
Sundmennirnir fjórir segja að þeir hafi verið rændir í leigubíl af vopnuðum mönnum en að sögn lögreglu ber frásögn þeirra ekki saman við upptökur úr öryggismyndavélum.
Í tilkynningu frá bandarísku ólympíunefndinni kemur fram að Bentz og Conger hafi verið látnir lausir úr haldi lögreglu en lögregla muni áfram ræða við þá um atvikið í dag. Að sögn lögmanns Lochtes kom hann til Bandaríkjanna fyrir tveimur dögum en þá hafði hann ekki verið úrskurðaður í farbann.
Hann hafi aldrei verið beðinn um að vera áfram í landinu í tengslum við rannsóknina. Lochte er einn besti sundmaður sögunnar en hann státar af 12 ólympíugullum. Á Ólympíuleikunum í Ríó tók hann þátt í tveimur keppnum og var í sigurliði Bandaríkjanna í 4x200m skriðsundi.
Meðal fjölmiðla sem fjalla um mál sundmannanna er CNN
Hönnun sem bætir líf manna
„Okkur miðar í rétta átt“
„Þetta náttúrulega endar með ósköpum“
Tóku upp hanskann fyrir leikskólabörn
Fara ekki lengur fram á einangrun yfir Davíð
Vona að Orkustofnun veiti ekki virkjunarleyfi
Áköf mótmæli í bandarískum háskólum
Mest spennandi kosningar í áratugi