Verkamenn sem unnu að því á þriðjudaginn að grafa grunn undir byggingu í nágrenni austurríska þingsins við Heldenplatz í Vín, höfuðborg Austurríkis, fundu tvær virkar handsprengjur.
Talið er að handsprengjurnar séu rússneskar og frá árum síðari heimsstyrjaldarinnar. Sprengjusérfræðingar komu á staðinn og rannsökuðu sprengjurnar. Voru þær síðan fluttar á brott og þeim eytt á öruggu svæði.
Sprengjur og önnur vopn frá árum heimsstyrjaldarinnar finnast reglulega bæði í Þýskalandi, Austurríki og víðar í Evrópu.